Ο πρεσβύτερος γαΐω τω αγαπητώ ον εγώ αγαπώ εν αληθεία. αγαπητέ περί πάντων εύχομαι σε ευοδούσθαι και υγιαίνειν, καθώς ευοδούται σου η ψυχή. εχάρην γαρ λίαν ερχομένων αδελφών και μαρτυρούντων σου τη αληθεία καθώς συ εν αληθεία περιπατείς. μειζοτέραν τούτων ουκ έχω χαράν ίνα ακούω τα εμά τέκνα εν αληθεία περιπατούντα. αγαπητέ πιστόν ποιείς ο εάν εργάση εις τους αδελφούς και εις τους ξένους, οι εμαρτύρησαν σου τη αγάπη ενώπιον εκκλησίας, ους καλώς ποιήσεις προπέμψας αξίως του θεού. υπέρ γαρ του ονόματος αυτού εξήλθον μηδέν λαμβάνοντες από των εθνών. ημείς ουν οφείλομεν απολαμβάνειν τους τοιούτους, ίνα συνεργοί γενώμεθα τη αληθεία. έγραψα τη εκκλησία, αλλ ο φιλοπρωτεύων αυτών διοτρεφής ουκ επιδέχεται ημάς. διατούτο εάν έλθω υπομνήσων αυτού τα έργα α ποιεί, λόγοις πονηροίς φλυαρών ημάς. και μη αρκούμενος επί τούτοις, ούτε αυτός επιδέχεται τους αδελφού, και τους βουλομένους κωλύει και εκ της εκκλησίας εκβάλλει. αγαπητέ μη μιμού το κακόν, αλλά το αγαθόν. ο αγαθοποιών, εκ του θεού εστίν. ο κακοποιών, ουχ εώρακε τον θεόν. δημητρίω μεμαρτύρηται υπό πάντων και υπ αυτής της αληθείας, και ημείς δε μαρτυρούμεν και οίδατε ότι η μαρτυρία ημών αληθής εστί. πολλά είχον γράφειν, αλλ ου θέλω διά μέλανος και καλάμου σοι γράψαι. ελπίζω δε ευθέως ιδείν σε, και στόμα προς στόμα λαλήσομεν. ειρήνη σοι. ασπάζονται σε οι φίλοι. ασπάζου τους φίλους κατ όνομα αμήν,

Τέλος της του αγίου ιωάννου καθολικής τρίτης επιστολής.